MEHMED EL-CEMÂLİ EFENDİ

EL-MEVLÂ EL-FÂZIL EL-KÂMİL ‘ALÂEDDİN ‘ALİ BİN AHMED BİN MEHMED EL-CEMÂLÎ EFENDİ

Mevlânâ Müşârün-ileyh Karamânî’ü’l-asldır. Hâl-i sabâvet ve âvân-ı şebâbında Karamanlu Mevlânâ Hamzadan okuyub muhtasar-ı Kudûrîyi ve Manzûme-i Nesefîyi anın hizmetinde ezber eylemiş idi. Ba‘dehû Der-sa‘âdete gelüb Mevlânâ Husrev Hazretlerinden telemmüz tarîkıyla istifâde ve istifâza eyledikden sonra ‘ulûm-u şer‘iye ve fünûn-u ‘akliyeyi daği Burusa’da Mevlânâ Hüsâm-zâde Efendiden bu‘d-u zaman otuz akçe ile mahmîye-i Edirne’de Ali Beğ medresesi kendüye i‘tâ ve ‘itâyâ-yı Mehmed Hân Gâzî’ye sezâ kılınub ancak Karamânî Mehmed Paşa ile beynlerinde olan bürudet-i nâgehânî sebebiyle terk-i medrese idüb ‘Ârif-i billâh Şeyh Muslihiddin bin Vefâ Hazretlerinin hizmetlerine ittisâl eyledi. Bâyezid Hân Gâzî ‘aleyhi’r-rahmetü ve’l-megâzî hazretleri taht-ı sa‘âdete cülûs iyledikden sonra kendülerin ‘âlem-i ma‘nâda müşâhede idüb irtesi şeref-mülâkâtıyla teşerrüf itmek için olunan da‘vete icâbet itmeyüb selâtîn ile mülâkât îkaz-ı mübâhâtdır deyü imtinâ‘ eyleyecek otuz akçe vazife ile mahrûse-i Burusa’da Kabluca medresesi müderrisliği taklîd ve ba‘dehû mahmîye-i Amasya’da iftâ içün cebren ol cânibe irsâl ve teb‘îd olundı. Ba‘dehû yine Kabluca ve İznik’de kâ’in Orhan Gâzi ve Burusa’da Murâd Gâzî medreselerine müderris olub bir müddet sonra terk idüb yine Amasya’ya...

SAYFA KENARI:Cümle-i evkâtını ‘ilim ve ‘ibâdât ve tedris ve fetvâ ve tilâvete sarf idüb salât-ı hamsi cemâ‘atle edâ kılur ve nefs-i nefîsi kerem üzere mecbûl olub ahlâk-ı tayyibe sâhibi mütevâzi‘ ve mütehaşşi‘ sığâr-ı nâsı kibâr gibi tebcil ve ta‘zîm ider ve ferd-â-ferîdeyi sû-i hâl ile zikretmeyüb fuhş ve kizbden lisânı tâhir ve envâr-ı ‘ibâdât safahât-ı levhât cebhesinde bâhir ve zâhir idi. Bi’d-defa‘ât Sultân Selim Hân Süleyman menzilet hazretlerinin ateş-i gadabları nush ve pendleriyle muntafî ve müntefî olub nice ashâb-ı cürüm ve kabâhat ve bî-günâhları safâ-yı hâtır-ı hâtır ile ‘afv itdirdikleri kütüb-ü tevârihde mastûrdur.